მესამე დღის რეფლექსია

ამ დღეს  დავამთავრეთ  ბროშურის  აწყობა,  შემდეგ  გავაანალიზეთ რამდენიმე  მათგანი და მოცემული  რჩევების  გათვალისწინებით შესწორებული  ბროშურა  ელექტრონული  ფოსტით გადავუგზავნეთ  ტრენერს.

სახელმძღვანელოში  გავეცანით  მოსწავლის  სტანდარტებისა და მიზნების რუბრიკას,  მოვისმინეთ  და გავეცანით  სხვადასხვა  პროექტებში  მოსწავლის მიზნებისა და ამოცანების  საგნობრივ  სტანდარტთან  შესაბამისობაში  მოყვანის  გზებს. პარალელურად ბლოგზე  გავაკეთეთ ახალი  გზავნილი  ჩვენი პროექტის  მიზნების  ჩასაწერად,  ვისწავლეთ  ბლოგზე  გვერდების დამატება,  დავაზუსტეთ  შემდგომი  მეცადინეობის  გრაფიკი და მივიღეთ  დავალება მოსწავლეთა  მიზნების  საფუძვლიან ჩამოყალიბებაზე.

სტანდარტები და ინდიკატორები

მოსწავლემ უნდა გაიღრმავოს თავისი ცოდნა მთელ  რიცხვებთან, წილადებთან, ათწილადებთან და პროცენტებთან მიმართებაში ისე,  რომ საფეხურის დასრულების შემდეგ იყენებდეს წილადების ეკვივალენტობას, ათწილადებს, პროპორციას და პროცენტებს ამოცანების ამოხსნისას და რეალურ ვითარებაში.

 სიდიდეებს შორის დამოკიდე­ბულებებთან დაკავშირებული ცნებებისა და პროცედურების შესწავლა, აგრეთვე მათი გამოსახვის სხვადასხვა ხერხის ერთმანეთთან დაკავშირებისა და შედარების უნარის განვითარება;
 

ინდუქციური/დედუქციური მსჯელობისა და ვარაუდის გამოთქმა-შემოწმების უნარის განვითარება.

მოსწავლეები დაეუფლონ აღწერითი სტატისტიკის ძირითად ცნებებსა და მეთოდებს, რათა მათი საშუალებით გაერკვნენ მონაცემთა თავისებურებებში და შეძლონ ვარაუდის გამოთქმა მონაცემებზე დაყრდნობით.

 მათ. VII.14. მოსწავლეს შეუძლია დასმული ამოცანის ამოსახსნელად საჭირო თვისობრივი და რაოდენობრივი მონაცემების მოპოვება.

მათ. VII.15. მოსწავლეს შეუძლია თვისობრივი და რაოდენობრივი მონაცემების მოწესრიგება და წარმოდგენა დასმული ამოცანის ამოსახსნელად ხელსაყრელი ფორმით.

მათ. VII.16. მოსწავლეს შეუძლია თვისობრივ და რაოდენობრივ მონაცემთა ინტერპრეტაცია და ანალიზი ამოცანის კონტექსტის გათვალისწინებით.

მათ. VII.2. მოსწავლეს შეუძლია რაციონალურ რიცხვებზე მოქმედებების სხვადასხვა ხერხით შესრულება.

მოსწავლის ამოცანები/ სწავლის შედეგები

მოსწავლეები:

• გაეცნობიან ამჟამად არსებული  სადაზღვევო კომპანიების საქმიანობებს,  რომლებითაც   რეალურად  სარგებლობენ  საზოგადოების წევრები; 
• გამოიყენებენ ელექტრონულ ცხრილებს მონაცემების შეგროვების, დახარისხების და წარმოდგენისთვის;
•  ჩაატარებული  კვლევის შედეგების    შეფასებისა და გააერთიანების  ხარჯზე  შეიმუშავებენ  სადაზღვევო კომპანიის  ორ  მოდელს, რათა  ეფექტური  სადაზღვევო კომპანიის  შესახებ  ჰოპოტეზები და ინფორმაცია  აუდიტორიის შესაბამისად გადმოსცენ;
•   ურთიერთთანამშრომლობით  შეიმუშავებენ ეფექტურ მულტიმედიურ პრეზენტაციებს, რაც უზრუნველყოფს ინფორმაციის და იდეების დემონსტრირებას;
• შეიმუშავებენ  შემდგომ რეკომენდაციებს საზოგადოებრივი ქმედებისთვის.

        

მეორე დღის რეფლექსია

სიტყვიერად  ჩამოვაყალიბეთ  საპროექტო  წინადადებები,  გავახალისეთ  ჩვენი ბლოგის  დიზაინი, შემდეგ  განვათავსეთ იდეა  ჩვენს  ბლოგზე, გავეცანით  კოლეგების  საპროექტო  იდეებს, გავუგზვნეთ  ერთმანეთს  საქმიანი  კომენტარები  მათი   იდეების  შესახებ,  ძალიან  სასარგებლო  უკუკავშირი  მივიღეთ ჩვენი  ტრენერისაგან,  გავეცანით  პუბლიკაციის  ჩეკლისტს  და  ბოლოს  ჩვენს  პორთფოლიოში  საპროექტო  იდეის  პოპულარიზაციისათვის გავამზადეთ  ბროშურის  შაბლონის  ჩარჩო. დასასრულს სახლში  გასაკეთებლად    მივიღეთ  დავალებაც.

ჩემი პროექტის იდეა

ეფექტური  სადაზღვევო  კომპანიის  შერჩევა  ძალიან  მნიშვნელოვანია  თანამედროვე  ცხოვრებაში.  ჩვენს გარშემო    სამედიცინო  დაზღვევას  ბევრი  კომპანია  ახორციელებს და ყველა  მათგანს  საკუთარ  კლიენტებთან  განსხვავებული  შეთავაზებები აქვს  .  ბავშვები  მოიძიებენ და გაეცნობიან  რეალური  სადაზღვევო  კომპანიების  პირობებს, შეისწავლიან  იმ  კრიტერიუმებს, რომელთა  საშუალებითაც  ხდება  ეფექტური  სადაზღვევო  კომპანიის  შერჩევა  და  შექმნიან  ორი  სადაზღვევო  კომპანიის  მოდელს,   კონკრეტული პირობების და მედიკამენტებზე  ფასდაკლებების  გათვალისწინებით, ისინი  შეარჩევენ უფრო  ეფექტურ  სადაზღვევო  კომპანიას და  წარმოადგენენ  დასკვნას  დიაგრამების  საშუალებით.